Kazi za Meneja wa Mkoa
TEMESA ina ofisi za mikoa zilizoenea kote nchini ambazo zinawajibika kutekeleza majukumu yote katika mikoa husika. Ofisi za mikoa zinaongozwa na Wasimamizi wa Mkoa/ Mameneja ambao wanaripoti kwa mgawanyiko / idara husika, na kiutawala kwa Mtendaji Mkuu.
Ofisi ya mkoa itafanya shughuli zifuatazo:
(i) Kudumisha wateja wa TEMESA katika mkoa husika.
(ii) Kusimamia na kuongoza shughuli zote za TEMESA katika mkoa husika.
(iii) Kutekeleza mipango mbali mbali ya Wakala katika mkoa husika. .
(iv) Kukadiria mahitaji ya rasilimali za Miradi kwa ajili ya kufanikisha dira na madhumuni ya Wakala.
(v) Kuendeleza na kufuatilia kwa karibu shughuli za matengenezo ya mitambo, vifaa vya umeme na vifaa vya elektroniki vya wateja wa TEMESA na kuhakikisha utekelezwaji wake unafanyika kwa wakati.
(vi) Kuendeleza na kufuatilia kwa karibu takwimu za shughuli za umeme, ufundi na elektroniki katika mkoa husika kwa upangaji sahihi na utekelezaji wa malengo / majukumu ya Wakala.
(vii)Kupanga na kuhakikisha utunzaji sahihi wa kumbukumbu kwa kuweka mfumo sahihi wa utunzaji salama wa nyaraka zinazohitajika kwa matumizi ya ofisi
(viii) Kuratibu na kuhakikisha usafi wa majengo ya ofisi, vifaa vya ofisi na mazingira ya ofisi.
(ix) Kuongeza juhudi juu ya mambo ambayo yanaongeza thamani katika uzalishaji, matengenezo, huduma za vivuko, ushauri, huduma za kukodisha mitambo na shughuli za ubunifu wa Wakala.
(x) Kuratibu na kusimamia maswala yote yanayohusu rasilimali watu, uhasibu/ fedha na manunuzi.
(xi) Kuratibu na kusimamia utekelezaji wa kazi za Wakala kulingana na bajeti iliyopitishwa.
(xii) Kupanga, kuongoza na kusimamia manunuzi, shughuli za uhasibu na kifedha za Wakala katika ngazi ya mkoa, kuandaa na kuwasilisha ripoti kwa Mtendaji Mkuu.
(xiii) Kuandaa mipango na kuwasilisha ripoti na taarifa nyingine yoyote ambayo inaweza kuhitajika na ofisi ya makao makuu.
(xiv) Kutoa huduma za kiufundi na matengenezo, ushauri wa kiufundi na huduma za ushauri katika nyanja ya uhandisi wa umeme, mitambo na vifaa vya elektroniki katika mikoa na kutoa huduma za ukodishaji mitambo na huduma za vivuko katika mikoa ambayo ina uhitaji.
(xv) Kumuwakilisha Mtendaji Mkuu katika mikutano yote ya mkoa na wilaya.
